Франак Вячорка. Што, апроч фота, прывезла Ціханоўская з Генасамблеі ААН і якія высновы зрабілі?

Спачатку стала вядома пра перамовы на палях Генасамблеі ААН у Нью-Ёрку міністра замежных спраў Польшчы Сікорскага з лукашэнкаўскім міністрам Рыжанковым. Адметна, што напярэдадні гэтай сустрэчы ні Сікорскага, ні іншых прадстаўнікоў Польшчы не было на брыфінгу на тэму пагрозы з боку Беларусі для міжнароднага міру і бяспекі з удзелам Ціханоўскай. Хоць па-за межамі мерапрыемстваў польскі міністр з Ціханоўскай сустрэўся двойчы. Дарэчы, на тым жа івэнце, дзе не было польскіх прадстаўнікоў, адсутнічалі і дэлегацыі Германіі, Францыі, Італіі, Чэхіі… А пазней з’явілася інфармацыя, што актыўна вядуць перамовы з Мінскам і Берлін, і Парыж…

Чым адметная была сёлетняя паездка на Генасамблею ААН і ці была патрэба ў такой паездцы? Ці атрымалася гэтым разам пакамунікаваць з лукашэнкаўскай дэлегацыяй? Што стаіць за перамовамі Сікорскага і Рыжанкова і ці не час Офісу мяняць сваю стратэгію? На гэтыя ды іншыя пытанні ў жывым эфіры Еўрарадыё адказвае першы дарадца Святланы Ціханоўскай Франак Вячорка