Sagan Öll með Stefáni Pálssyni - Þegar CIA eitruðu fyrir Gordon Banks svo Brassar yrðu heimsmeistarar

Samsæriskenningin um að ameríska leyniþjónustan, CIA hafi eitrað fyrir enska markverðinum Gordon Banks á HM í Mexíkó árið 1970 er ein dularfyllsta og skemmtilegasta saga fótboltans. Bandaríski öldungadeildarþingmaðurinn Stuart Symington sagði frænda sínum Bob Oxby, sem var íþróttafréttamaður hjá breska blaðinu The Daily Telegraph að CIA hafi eitrað fyrir Gordon Banks fyrir leik Englands og Vestur Þýskalands í 8 liða úrslitum HM. Gordon Banks sjálfum fannst dularfullt að aðeins hann skyldi veikjast svona svakalega en ekki aðrir leikmenn sem borðuðu það sama, þótt einhverjir hafi fundið fyrir vægum einkennum.