Toɓɓere yeewtere men hannde yowitii ko e peeje kaanɗe daɗɗeede ngam dartinde fitinaaji baɗateeɗi e dow rewɓe ɓee

Toɓɓere hannde yeewtere Dinngiral Rewɓe, ana haala fii alhaali ɗe balɗe sappo e jeegon hertaaɗe haɓude e toraaji ngaɗeteeɗi e dow rewɓe. E ciimtol ngol salndu ONU daraniindu hakkeeji rewɓe yaltini ñande sappo e jeenay nduu lewru ana holliti, e hitaande ƴaɓɓiinde rewɓe ujunaaji cappanɗe joyi maayi e nder

Aduna oo sabu fitinaaji ngaɗaaɗi e dow maɓɓe. Tuugnaade e ciimtol ngol, ɗum holla wonnde teemedere e cappanɗe tato e njeeɗiɗo debbo ana waree e ley gooto e nder adunaru nduu. On alhaali, ana taska e nder leyɗe Afrik, yeru e lewru nayaɓuru ƴaɓɓiindu nduu to Gine, debbo reduujo gooto mayi to Kankan, caggal nde gorko makko fiyi-mo. Hawa Traore mo Mauritanie, mayi saabe ɗii fitinaaji.

Yeewtere men hannde faati ko e peeje kaanɗe ɓameede ngam sakkaade ɗii fitinaaji e dow rewɓe. Eɗen njaɓɓi koɓe ɗiɗon, gooto ko Mauritanie jeeya, omo wiiye Djeneba Toure hooreejo fedde wiyateende ‘‘organisation citoyen, je m’engage’’. Goɗɗo oo ko Dr Brema Ely Dicko, jannginowo e duɗal toowngal ngal Bamako, laamorngo Mali. Ko o renndoyanke.