[Taskaram pillitaaɗo] - Hol pehe haanuɗe ɓameede ngam datinnde waasugol ɓee rewɓe gollooɓe e nder ɓulli kaŋŋe?

 E ndee yontere toɓɓere men no yewta alhaali rewɓe gollooɓe e oogiirɗe woni nokkuuji ɗo kaŋŋe ittatee. Teskaama e ɗii nokkuuji, rewɓe ina looro hen no feewi. E nder hakkundere lewru faltiindu nduu, fodde yimɓe 48 maayi e joortande ɓunndu kanŋe to bannge hirnaange leydi Mali tawi ko ɓuri heewde e maɓɓe ko rewɓe e sukaaɓe. Ɗum tawi ko fodde yimɓe 11 maayiino e hono ɗii alhaaliiji to hakkundere hirnaange leydi ndii.

E siftinnde e hitaande faltiinde ndee, fodde asooɓe kaŋŋe70 maayi to bannge worgo leydi ndii, tawi kadi ko rewɓe ɓurno hen loraade.Tedduuɓe holno njiiruɗon oo alhaali? Hol peeje ngam kisal rewɓe ɓee waawa teddineede e ɗii nokkuuji oogirɗi? Hoɓɓe men e ndee yeewtere ko Ramatulaay JALLO, asoowo kaŋŋe to Mali, Bambo Keyta, geologue e Me Soaya Keyta, hooreejo kiiɗɗo goomu UA daraniingu hakkeeji neɗɗanke. Tedduɓe bisimilla mon.