Toɓɓere men hannde e nder ndee yeewtere Dinngiral Rewɓe, ana haala fii alhaali Rewɓe wonnduɓe e ñawu Sida, teeŋti e waawde raaɓude sukaaɓe maɓɓe. Nguu ñawu Sida ana heewi e adunaaru nduu, teeŋti e nder leyɗeele Afrik. Leyɗeele men ɗee ina keɓatnoo leɗɗe cafrooje Sida ummaade Dawlaaji dentuɗi Amerik. Kono ɗii lebbi fof, kulol ana woodi e oo bannge teeŋti e ko faati e reenugol raaɓugol sukaaɓe muuynooɓe, kañum e rewɓe sowiiɓe jogiiɓe ñawu nguu, ndee wonno laamu hooreejo Amerik Donald Trump ɓuytii ballal ngam haɓde e nguu Sida. Holko haani waɗeede ngam heɓude ɓe rewɓe wonnduɓe e Sida heɓude ɗee safaaje no kaani ? E jonnde ndee, eɗen gonndi Kadiatou Bodie Balde hooreejo dental pelle Guinee wurnduɓe e ñawu Sida. Koɗo men hannde Dr Fatoumata LY, kertoriiɗo ñabbuuli hono Sida ?