Holko saabatoo ñawu gite? Hannde ko ɗum woni toɓɓere taskaram men cellal ko ngalu

Tedduɓe heɓiiɓe RFI Fulfulde mi salminii on miɗo laamndo si hiɗon e jam. Bismilla mon ka taskaram men Cellal ko ngalu. Hannde, oo taskaram men no yeewta fii nguu ñawu gite woɓɓe no noddira ɗum ñabaa walla appolo. Nguu ñawu gite taskaama e yoga e leyɗeele hirnaange Afrik, wano Senegal, Mali. Ko honɗum saabotoo nguu ñawu, ko honno ngu ñawndirtee.

ko honno waawetee hiwude hooree men nguu ñawu ngam faamugol alhaali nguu ñawu, e oo taskaram en jaɓɓoto Dr Mamadou Oury BARRY ginenaajo heertorɗo ñabbeeli gite, ɗum no wi’ee Ophtalmologue. Kono ado en jaɓɓaade koɗo men on, en heɗoto yiyannde yoga e mon ko faati e nguu ñawu muusu gite. Ko nii woni mbaadi oo taskaram men cellal ko ngallu. Mamoudou Diallo