Беседа - LI - Предавање со Токсоносецот: (лични) финансии, буџетирање, вложување, пари

Во педесет и третата епизода на Беседа гостин ни е Токсоносецот, со кого зборуваме за една од најзапуштените, а најболни теми кај нас: личните финансии, вложувањето („инвестирање“) и психолошкиот однос со парите.

Токсоносецот објаснува како еден човек во Македонија (а и пошироко) треба да управува со своите пари за да не банкротира и да не западне во хронични долгови.

Токсоносецот дава „bulletproof“ рамка за буџетирање, покривање на сметки, избегнување импулсивни трошоци и градење парична стабилност во семеен и личен контекст.

Потоа навлегуваме во дилемата дали паричното вложувањето е неопходен чекор за еден финансиски зрел човек или само уште една форма на коцкање и глупирање.

Разговараме за разликата меѓу здраво, долгорочно вложување и чиста шпекулација, за тоа кога вреди да се учи вложување, а кога е подобро воопшто да не се чепка, и како изгледа разумен ризик во стварниот живот.

На крајот одиме во најдлабокото ниво каде што Токсоносецот објаснува што се всушност парите. Дали се само средство за размена, дали се симбол на моќ, или на некој начин илузија која открива многу за нашиот карактер и стравови?

Го истражуваме психолошкиот и духовниот однос кон парите – како начинот на кој заработуваме и штедиме ни покажува во што веруваме, од што бегаме и какви луѓе стануваме.

Епизодата е опсежно предавање и имплицитна покана слушателот да ги види финансиите не само како бројки, туку како огледало на сопствениот живот.

― ― ― ― ― ― ― ― ―

Менторска програма Беседа, за личен и заеднички раст и развој.

Контакт: beseda-beseda@proton.me

― ― ― ― ― ― ― ― ―

Spotify: https://open.spotify.com/show/5VoczfDsnLgm6fq3mALK6K

Facebook: https://www.facebook.com/beseda.podkastX: https://x.com/BesedaPodkast

Odysee: https://odysee.com/@beseda

Rumble: https://rumble.com/c/c-7303816

YouTube: https://www.youtube.com/@BesedaPodkast

Telegram: https://t.me/besedapodkast

RSS: https://anchor.fm/s/ffcf15c0/podcast/rss

― ― ― ― ― ― ― ― ―

НАПОМЕНА / ПРЕДУПРЕДУВАЊЕ:

На кратко: ние (авторите и гостите на Беседа) сме целосно и единствено одговорни за нашите размисли, расудувања и постапки; па така и ти, што нѐ следиш, си целосно и единствено одговорен за твоите.

―

На долго: ништо што е искажано во оваа емисија не може да се сфати како професионален или меродавен совет од аспект на здравје, лечење, медицина, психотерапија, начин на живот, расудување, носење животни одлуки, превземање постапки, и било какви други животни активности. Секоја одлука или постапка која следачите или било кој или што друго би ја превзеле е направена при целосна нивна и само нивна решителност и чиста свест, и со тоа во целосна и само нивна одговорност. Беседа и нејзините автори и гости не превземаат ниту прифаќаат никаква одговорност, било морална, правна или каква друга, за последиците кои би настанале од одлуките и постапките на следачите на Беседа или другите, без разлика на тоа дали истите ги направиле инспирирани или подтикнати од следењето на епизодите. Ние или било кој друг ниту можеме ниту сакаме да предвидиме кој човек, група, организација или ентитет каков заклучок, одлука или постапка ќе направи непосредно или посредно во однос на нашата емисија, и дали истите ќе бидат позитивни, неутрални или негативни, правни или противправни. Затоа, целосната одговорност за постапките на другите им паѓа ним, никако нам.