Conversas na Ferrería #220: Proxecto Biomisión

Hai dous meses abríase á poboación, incidindo nos máis novos, un proxecto divulgativo chamado 'Biomisión: a cociñar tesouros'. Abríase, porque os seus colaboradores xa levaban o seu tempo traballando na iniciativa. Contamos con case todos eles. Pedro Peón, promotor do proxecto 'Biomisión' e responsable da Unidade de Proxectos I+D+i da Misión Biolóxica de Galicia; Antonio Cavada, produtor agroalimentario e ecolóxico de El Calabacín Rojo e Ricardo Fernández, profesor de Cociña do CIFP Carlos Oroza. Nesta iniciativa participa outro entusiasta da mesma, Javier Olleros, cociñeiro e propietario do restaurante Culler de Pau.

Foto: Mónica Patxot.