100.5FM Radio Laeveld

'n Totaal van 35 atlete van Mpumalanga het vanjaar gekwalifiseer om aan die Biathle Triathle Laser Run Wêreldkampioenskappe deel te gaan neem. Dit word in Desember in Mosselbaai aangebied. Jean Eksteen (o/15), Jessica Matthysen (o/17), Lara Janse van Rensburg (o/17) en Hannah Morgado (o/13) kuier in die ateljee.

Weens onweer die afgelope week in die Laeveld is verskeie vlugte na KMI-lughawe ontwrig. Mphilo Dlamini', Air Traffic & Navigation Services se hoof van korporatiewe sake en kommunikasie, verduidelik wat die opgeskorte instrumentvlugprosedures beteken.

Dr. Billy Magagula is nou by Cure Day-hospitaal in Mbombela.Hy gesels met Sonop Ontbyt oor vrouegesondheid.

Damien Kuhn het onlangs die moordende Gobi 400 in China voltooi. Hy deel die ervaring met die Middag Game Drive.

Die Ridiculous Rocktober Ektravaganza is 'n eerste van sy soort uitverkoping op gebruikte voertuie. Christo Leeuwner, die algemene bestuurder van Audi Centre Mbombela kuier in die ateljee.

'n Cessna 206-vliegtuig is nog nie gevind nie nadat dit gister kort na hy opgestyg het vermis geraak het. Die vliegtuig was op pad na Kruger Mpumalanga Internasionale Lughawe toe. Dit het om 13:23 vanaf King Mswati III Lughawe in Eswatini vertrek en om 13:37 sein verloor. Gregory Critchley van die Lugvaartkundige Reddingskoördineringsentrum, het bevestig dat daar slegs een persoon aan boord is.

CRC hou 22 Oktober weer Harvest by Mbombela-stadion met ds. At Boshoff. Past. Hennie van der Merwe gesels oor die geleentheid met Laeveld Brunch.

Elzabé de Bruyn, 'n organie groentetuin konsultant, vertel hoe om na die verskillende groente in jou tuin om te sien. Wat benodig jou pampoen, waatlemoen, spanspek en komkommer?

Cure Day bied jou toeganklike gehalte gesondheidsorg. Sis. Yolande van Heerden en Jessica Prim vertel vir Sonop Ontbyt hoe.

Die DA in Mpumalanga het die provinsiale regering veroordeel vir die bou van die Internasionale Varsproduktemark sonder goedgekeurde bouplanne. Tersia Marshall van die party merk dat dit meer as R2 miljard gekos het, maar steeds onoperasioneel is omdat die Mbombela-munisipaliteit weier om 'n okkupasiesertifikaat uit te reik, 'n wetlike voorvereiste vir enige gebou om wettiglik in gebruik geneem...